Ардагерлер кеңесі

Қорқыт Ата атындағы Қызылордагуманитарлық университеті мен Ы.Жақаев атындағы Қызылорда политехникалық институтын біріктіру негізінде 1998 жылғы 24 наурызда Қорқыт Ата атындағы Қызылорда мемлекеттік университеті (қазіргі Қорқыт Ата атындағы Қызылорда университеті) құрылды. Осы бірігуге дейін Ардагерлердің бастауыш ұйымы кәсіподақ  ұйымымен бірге болған. Аталған жылдан Университет бастауыш ардагерлер ұйымын профессор Абылай Хангерейұлы Айдосов (12.11.1936–29.04.2009 жж.) басқарды. Сол тұста ардагерлердің өмірбаяндық құжаттары электронды жинақ түрінде компьютерге енгізілді.

Университеттің бастауыш ардагерлер ұйымын 2009 жылдан профессор Қазбай Құдайбергенов (15.03.1942–4.05.2024 жж.) басқарды. Ұйымның іс-шаралары Құдайбергенов Қазбай (төраға), Абдрахманов Нұртаза,Садуақасов Жеңіс, Сапарходжаев Пажарбек, Сексенбаева Зинаидадан тұратын Ардагерлер кеңесі арқылы ұйымдастырылды.

Құрамы  ардагерлермен жабдықталған “Сыр сұлуы” ансамблі, Ардагер ғалымдардың “Парасат” қоғамдық бірлестігі жұмыс істеді.
Ардагерлер кеңесінің ұсынысымен өмірден өткен ғалымдарымызға:бұрынғы педагогикалық институттың ректорлары Базарбек Өсербаев пен Оралхан Камардиновтың, белгілі сәулетші Мәлік Сапарғалиевтің, әйгілі математик, ҚазКСР ғылым академиясының академигі Асан Таймановтың, профессорлар: Нұрлыбек Жүнісов, Абылай Айдосов, Сламхан Бекбаев, Базарбек Қашқынбаев, Әбдікәрім Тәжмағанбетов, Әбшайт Оразалиев және Жеңіс Өтемісовтің есімдерімен Қызылорда қаласында көшелер аталды.  

Ғалымдар: Серікбай Қошқаров – Қызылорда қаласының, Қылышбай Бисенов – Жалағаш ауданының,  Сейсенов Бақытбек–Қармақшы ауданының, Мұстафа Матаев, Бағдат Кәрібозұлы, Баймырза Қожамберлиев – Қазалы ауданының, Ибадулла Тәутенов– Сырдария ауданының, Бақытхан Абдикаримов – Жаңақорған ауданының құрметті азаматтары атанды.

Университеттің оқу ғимараттарында: О. Камардинов, У.Бишімбаев, Б.Досманбетов, Қ.Бисенов, А.Тайманов, С. Елубаев, М.Киреев, Н.Жүнісов, М.Матаев, Е.Нұрахметов, Б. Қашқынбаев, Қ. Жаңабергенов, Ә.Мүсілімов, Ж.Асанов, А.Айдосов, Ә. Оразалиев, С. Бекбаев, Н. Жүнісов,А.Ерназаров, Х.Нұғманова, А.Ерғалауов,К.Жайлыбай, Қ. Балтаев, Т. Қуанышбаев, Қ.Құдайбергенов, К.Сәдуақасқызы,Ж. Егізбаев, Б.Қожамберлиев,О.Бермаханов,Ә. Тапалова, Б.Құлтанов, Ұ.Жанбершиева, М.Жолымбетовсынды ұстаздарымыздың атындағы дәрісханалар мен зертханалар ашылды.

Ардагерлер ұйымы  бір оқу жылына негізделген жұмыс жоспармен әрекет етеді. Мемлекеттік және кәсіби мерекелер қарсаңында ардагерлерге сый-сияпат көрсетіледі, сондай-ақ жыл бойына шипажайларға жолдамалар беріледі.

Университет ардагерлері облыстық баспасөзбен телеарналарға жиі шығып, мәдени және қоғамдық іс-шараларға,жиындар мен ғылыми конференцияларға белсене қатысады.

Жыл сайын ардагерлер арасында шахмат, дойбы, бильярд, т.б. спорт түрлерінен жарыстар ұйымдастырылып тұрады.
Бас оқу ғимаратының 2-ші қабатында, 2-ші оқу ғимаратының 2-қабатында “Ардагерлер ардағым” атты үлкен стенд қойылған.  Университеттің 80 және 85 жылдығына орай өмірден озған ардагерлерге арналған “Қалдырған ізің мәңгілік” атты жинақтар шығарылды. Сондай-ақ, университеттің қалыптасуы  мен дамуына ерекше еңбегі сіңген тұлғалардың ерен істерін насихаттауға арналған «Ғибратты ғұмыр» сериясы бойынша Ж.Сәдуақасұлы, Б.Кәрібозұлы, У.Бишімбаев, С.Қошқаров, А.Нұрғызарынов, Б.Сайлыбаев туралы арнайы шығарылымдар жарық көрді.

Университеттің Ардагерлер ұйымын 2024 жылғы 1 шілдеден техника ғылымдарының кандидаты, профессор Бақыт Қалиев басқарып келеді. 
Ардагерлер кеңесінің жаңа құрамы: 
1.Қалиев Б.Қ.– төраға;
2.Омаров Қ.Ә.–төрағаның орынбасары;
3.Шілдебаева Л.Қ.–хатшы;
4.Тапалова А.С.–жаратылыстану институты бастауыш ардаргерлер кеңесінің төрағасы;
5.Майгелдиева Ш.М.– педагогика және дәстүрлі өнер институты бастауыш ардаргерлер кеңесінің төрағасы;
6.Таутенов И.А.– инженерлік-технологиялық институты бастауыш ардаргерлер кеңесінің төрағасы;
7.Оразбақов А.Ж.– гуманитарлық-педагогикалық институты бастауыш ардаргерлер кеңесінің төрағасы;
8.Бисенова Р.А.– экономика және құқық институты бастауыш ардаргерлер кеңесінің төрағасы;
9.Қошқаров С.И.– мүшесі;
10.Кеншінбай Т.И. – мүшесі;
11.Жанбершиева Ұ.Н.– мүшесі;
12.Төрешбаев Ә.Т.– мүшесі;
13.Сапарходжаев П.– мүшесі;
14.Қожамберлиев Б.– мүшесі;
15. Кыдырбаева К. – мүшесі.

Қазіргі таңда Ардагерлер ұйымында 310мүше (99 ер, 211 әйел) бар. Олардың 95-і жұмыс істейді (78%-ы 70 жасқа дейінгілер).